Wilfy Rebimbusachea mornnachem Dalgado Konknni Akademi (DKA)-k dukh

Buzvonnecho Sondex


Sonvsarbhorchea Konknni somazant ani Konknni songit mollar 'Konkan Kogull' mhunn nanvosto aslolo Wilfy Rebimbus hachea mornnan Dalgado Konknni Akademik (DKA) dukh zalam. Sonvsarant songitantlean lokak umedir ani khoxal dovortoch, atam to sasnnak Devache dorbarant Tachi tust-mhoima gavunk gela. Dubav viret, Wilfybaban aplea songitachea gunnantlean Konknni songitachea mollar aple khaxele tankin apnnak zago kantoun dovorla. Ho zago tachea mornnan rito zala ani to fuddarak konnuch gheunk xokchona.

Marsache 9ver, 2010, sokallim 11.15 vaztam, aplea songitachea gunnantlean Konknni songitak bhangaracho kall favo kelolea Wilfybaban, Mungllurant sasnnak aple dolle dhample.

Konknni songitachea mollar, aplea gitsongitantlean vochot thoimsor lokachim kallzammonam jikhlolea Wilfybabak songitachea mollar Karnataka Sorkaracho protixtthecho Rajyotsava Puroskar, Karnataka Konkani Sahit'ya Akademicho Puroskar, Sandesha ani DaijiDubai Puroskar, oxe sabar puroskar favleat.

DKA tache potinnik Meena Rebimbus, putak ani suniek, Vishwas ani Charlene Rebimbus, dhuvek ani zanvoyak Veena ani Arthur Pais toxench tachea her ghorcheank ani kuttumbak kristi buzvonn diun tancher ailelea dukhak kristi nodren fuddo korunk boll ani kurpa magta.


Premanand A. Lotlikar
Odheokx,
Dalgado Konknni Akademi (DKA),
A-F6, 1st Floor, Campal Trade Centre,
Opp. Kala Academy, Campal, Panjai, Goa

Fon: +91 9881810832
Email: dkakademi@gmail.com
dkakademi at gmail.com